مفضلاتي في عام 2012
بتكلم لكم عن مفضلاتي بعام 2012 واكيد بكمل معها ب2013 الا اذا لقيت شي احسن منها :P
1-makeup forever face and body foundation
هذا لكويد فونديشن يعني تغطيته خفيفه يصلح للي بشراتهم صافيه اغلب استخدامي له للجسم استخدمه بالمناسبات الكبيره
واستخدمه مع (stippling brush ) او بالاصابع علشانه سائل وخفيف حلو ثباته مايخف مع الوقت و حلو للوجهه للاستعمال اليومي
سعر الشراء : ناسيه لانه من قبل 2012 وهو عندي بس بميه وشوي
مكان الشراء : وجوه
2- NARS Albatross Highlighter
هذا الهايلايتر جدا جميل يعطي لمعه طبيعيه مناسب جداً للنهار وللسهرات من بعد ما جاني صار هايلايتر المفضل عندي الي يحبون القلو الطبيعي هذا اكيد بيعجبهم ولا راح يدمون انهم شروه
سعر الشراء ومكان الشراء : هديه ما ادري بكم ولا من وين :D
3 - dermacol makeup base
هذا البيس يوضع قبل المكياج علشان يحمي البشره ويحافظ على كريم الاساس ويخلي البشره مخمليه و حسيت انه يساعد على اخفاء المسامات وهو جدا رائع وسعره بعد وناويه اشتري الحجم الكبير بس دايم القاه مخلص :(
مكان الشراء : صيدليه وايتس رياض غاليري
سعر الشراء : 35 ريال
4- max factor 2000 calorie mascara
هذي المسكارا استخدمها من 5 سنوات :) اجرب اشياء جديده وارجع لها هي تعطي كثافه للرموش بشكل جدا حلو بدون ماتكتل او تسيح و تعطي شكل طبيعي ولا تحسين انها ثقيله على الرموش وسعرها مناسب
مكان الشراء : صيدليه بوتس
سعر الشراء : 39او 49 ريال
5- bourjois Volume Clubbing Mascara
هذي المسكارا تعطي كثافه بشكل حلو وبشكل كبير بس مشكلتها تكتل وتحسينها ثقيله على الرموش فيعني الي راح تستخدمها تستخدمها بحذر وتحط طبقه وحده وتحطها على بدايه الرموش بس وبعدين تحط فوقها مسكارا ثانيه
سعر الشراء : 60 ريال
مكان الشراء : دبنهامز
6- lancome rouge 131
ارواج لانكوم جداً جميله تدوم وقت طويل واحلى شي تحسين ترطب الشفايف وما تشقق الشفايف الدرجه الي احبها 131 هو اللون جميل بس للاسف اكثر من مره اروح ابغى ثاني ولا القاه :(
سعر الشراء : 190 ريال
مكان الشراء : دبنهامز
7- Essencial Face Kit by Victoria's Secret
البليت من فكتوريا سيكرت جدا جميل الوان الشادو حلوه وقويه و خاصه اذا استخدمتي قبله برايمير تقعد لوقت طويل و البرونزر الي فيه مررره حلو استخدمه للصباح كاكنتور للخد و ما استخدم بلاشر احسه يغنيني عن البلشر , البلشر الي فيه لونه بينك جدا جميله درجته الليب قلوس انا ما استخدمتها الا لتجربه بالبيت و جدا مناسب للسفر
مكان الشراء : فكتوريا سكرت
سعر الشراء : ما ادري لاني سارقته من الوالده خخخخ
اتمنى انه اعجبكم التقرير
وان شاء الله يكون مفيد وهذا رايي الشخصي ممكن شي يعجبني وما يعجب غيري
وسامحوني اذا في اخطاء بالاسعار
